Diamars anochi pa 7:30 central di polis ta wordo notifica di un acidente basta fuerte riba Watty Vos Blvd . Ta trata di un accidente entre un auto BYD numera A-26625 y un brommer numera MFA-2682.
Na yegada di patruya ta pidi pa un ambulance cu maximo urgencia mirando e situacion di e chauffeur di e brommer.
Ambulance a yega na e sitio y a logra re-anima e chauffeur di e brommer y transporte cu maximo urgencia pa hospital.
Polis di trafico a presenta como tambe polis technico pa haci nan investigacion.
Pa 8:22 dr Daryanani ta constata morto di e motociclista , Angel Gabriel Senra Chara naci na Aruba 14 december 2002. ( 19 aña).

awe24.com y Cuerpo Policial ta manda palabra di condolencia na famia di e fayecido.