Diasabra atardi a drenta informe di un caso di hincamento na Nuñe, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un problema entre e pareha unda e homber a propina e mujer un hinka na su pia e sospechoso mes a bandona e sitio den un s.u.v. Nissan. Central di polis a emiti un buskeda pa e vehiculo aki cu e sospechoso ta aden. E pia di e dama tabata sangrando profusamente y polis a pone un paña pa para e sangramento. Na yegada di e ambulans nan a atende e dama y a transporte pa hospital. Un rato despues e sospechoso a presenta y polis mesora a detene y a bay warda di polis cun’e.