Diadomingo madruga a drenta informe di un caso di menasa na un club nocturno na Palm Beach, mesora dirigi un patruya na e sitio. Na yegada di e patruya a bin compronde cu un persona indocumenta a tribi di menasa un bouncer y despues a cana bay. Canando bay e sospechoso a benta un cuchiu grandi den e mondi y a sigui cana bay na un auto. Polis a bay den su direccion y a constata cu aki ta trata di un persona stranhero cu no por a mustra un permiso pa ta na Aruba, ademas a tribi pa menasa un bouncer. Polis mesora a detene y a solicita presencia di e vehiculo di transporte pa hibe warda di polis.