Diadomingo anochi a drenta varios informe di cu tin hobennan ta tirando piedra riba autonan pasando riba E.J. “Watty” Vos blvd., mesora a dirigi patruya na e sitio. Na yegada di e patruya a bin compronde cu aki ta trata di 3 hoben cual lo tabata tira piedra riba e autonan pasando. Un testigo cu a mira e hobennan cu a tira piedra a bisa polis cu ta trata di hobennan lomba sunu y cu short. Polis a logra captura un di e 3 hobennan aki y tin’e wanta na e sitio. E testigo a reconose e hoben ey como un di e 3nan, e hoben a bisa cu no ta e a tira e piedra pero e otro 2nan. Un rato despues na Madiki polis a logra captura e hoben mes cu a tira piedra.