Diabierna anochi a drenta informe di un caso di ladronicia unda tin e sospechoso wanta den e lugar na Sayo Supermarket na Kamerlingh Onnesstraat, mesora a dirigi un patruya na e sitio. Na yegada di e patruya a bin compronde cu e doño a wak e hoben drenta y a reconose como esun cu 2 siman prome a horta un botter di bebida, mesora e doño a lock e porta y yama polis. E sospechoso e biaha aki tambe e hoben a purba bay cu un otro botter di bebida alcoholico. Polis a detene e hoben y a bay warda di polis cun’e.