Diabierna anochi a drenta informe di un caso di maltrato cu hende herida na The Venue den Weststraat, mesora a dirigi tanto polis como ambulans na e sitio. Na caminda pa e sitio a drenta informe di cu e sospechosonan lo a huy den un Toyota Vitz cora A59006. Net un patruya tabata yegando a topa cu e auto aki riba L.G. Smith blvd. birando drentando Weststraat bayendo nort e patruya a bay su tras y a start un persecucion e auto a drenta J.G. Emanstraat bira di biaha drenta Visstraat, djey ela drenta Ranchostraat den direccion prohibi bayendo pariba net na e cruzada cu Emmastraat y eynan ela bay dal net riba un otro auto di polis. Mesora polisnan a logra detene e trio aki. Afortunadamente ningun hende a resulta herida. Polis a confisca e auto pa mas investigacion.