Diadomingo anochi laat a drenta informe di un accidente cu hende herida riba Sasakiweg banda di Bubaliplas, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e Toyota Rav di e chauffeur di taxi tabata simplemente riba e caminda para y e Nissan Almera a bin dal tras di dje mande bay cay den Bubaliplas. Debi na e impacto e taxista tabata keha di dolor na su nek. Na yegada di e ambulans nan a atende e taxista herida.