Diahuebs atardi a drenta informe di cu tabatin un cas na candela den Rudolf Arendstraat y aunke e habitantenan mes a paga esaki caba a pidi pa bomberonan bini, mesora a dirigi tanto polis como bombero na e sitio. Na yegada di polis cu bombero a bin compronde cu ta danki na un “smoke alarm” a alerta habitantenan den camber cu a lubida un panchi cu tabata na candela riba e stoof y esaki a emiti hopi huma den e cas. E doño di cas manera a scucha e alarma di huma bay on a core bay den cushina y mesora a saca e panchi na candela pafo y cu un botter di paga candela a spuit riba e panchi y a paga e candela. E famia kier avisa comunidad con importante ta un “smoke detector” y un “brandblusser” den bo cas y cushina.