Dama chauffeur a perde control na Sasakiweg y a bolter cu Toyota IQ ranca palo di lus y su pia a keda pega bao di e auto

Diahuebs madruga a drenta informe di un accidente cu hende herida riba Sasakiweg banda di Bubali Plas direccion pa Oranjestad, mesora a dirigi tanto polis, ambulans como tambe e equipo di rescate di bombero. Na yegada di e patruya a bin compronde cu e dama chauffeur di e Toyota IQ coriendo cu velocidad halto a perde control, ranca un palo di lus y a bolter, e dama chauffeur su pia a keda pega bao di e auto. Na yegada di e ambulans nan a duna prome auxilio na e dama mientras a spera riba e equipo di rescate di bombero logra saca e victima cual su pia tabata pega bao di e auto. Na momento cu a logra libera e dama e personal paramedico a stabilisa e victima y a transporte cu urgencia pa hospital.

Share:

Leave a Reply

Your email address will not be published. Required fields are marked *