Despues di seis luna di despliegue den Caribe, Zr.Ms. Groningen a regresa Hulanda. Awemainta
e tripulantenan por a bolbe brasa nan familiarnan na Den Helder. E esfuerzo por ser yama cu tur seguridad un exito. E mariniernan a logra intercepta un cantidad record di droga cu socionan internacional.

 

Famianan na e waf a saluda e personal naval abordo.

Despues di 6 luna, e tripulacion finalmente a bolbe wak nan famia.
E contador so a stop luna pasa despues di 18 interceptacion, pa un total di 21.300 kilo di droga. E gran mayoría tabata cocaina, un total di 17.800 kilos. Ademas, tabata tin 3.500 kilo di marihuana. Durante e operacionnan aki, e armada a coopera cu un gran cantidad di paísnan.E ultimo 4 intercepcionnan tabata luna pasa.

Esakinan tambe a sirbi pa captura un total di 5.000 kilo di contrabando.

 

E Armada a logra intercepta un 21.300 kilo di droga.

Tarea di e barco station

E lucha contra droga ta un di e hopi tareanan di e armada den Caribe, cu semper ta activo cu un barco station. E labornan di e lucha contra el trafico di persona, buskeda y rescate y asistencia di emergencia, por ehempel, ora cu tin terremoto y horcan, tambe ta den e tareanan principal.

E barco di e station ta opera den nomber di tanto Guardacosta di Caribe como tambe den e nomber di Joint Interactive Task Force South di Norte America.

Groningen awor a ser releva pa e barco morocho Zr.Ms. Holland.