Auto a cay den e greppel riba e caminda di Hato pa Pos Abao

Dialuna mainta a drenta informe di cu un auto lo a cay den greppel y tin hende pega den e auto riba e caminda di Hato, mesora a dirigi tanto polis como tambe ambulans y e equipo di rescate di bombero na e sitio. Na yegada di tur e instancianan cu ta brinda ayudo, ta topa cu un Kia Picanto blanco cu a cay den e greppel. Den e impacto e parti dilanti di e auto a dal den e construccion di concret y a causa cu e chauffeur a keda pega. Pa e motibo aki tabatin mester di personal di Brandweer pa yuda sak’e. Ambulance despues a transporta e herido pa hospital.
Segun por a compronde na e sitio, e chauffeur simplemente a perde control, baha na banda di caminda y no por a controla e vehiculo mas.

Share:

Leave a Reply

Your email address will not be published.