Diamars atardi a drenta informe di un caso di maltrato severo na Sabanilla Abao, mesora a dirigi tanto polis como ambulans na e sitio. Na yegada di e patruya a bin compronde cu 5 persona algun menor di edad a maltrata severamente un otro persona. Na yegada di e ambulans nan a atende e victima mientras polis a detene e 5 sospechosonan di maltrato. Mesora polis a hiba e sospechosonan pa warda di polis na Oranjestad pa asina J.Z.P. atende cu nan. Un di e sospechosonan tambe a resulta herida y ambulans a ser pidi pa hiba e pa hospital. Nos lo sigui informa.