![](https://www.awe24.com/wp-content/uploads/2022/10/1AAE44B6-D4A0-4BB5-A65C-6F8F668724E8-668x334.jpeg?v=1666195706)
Diaranson mainta a drenta informe di un accidente cu hende herida banda di 7World na Sero Patrishi, mesora a dirigi tanto polis como ambulans na e sitio. Na yegada di e patruya a bin conpronde cu aki ta trata di un accidente unda cu e dama chauffeur den e Suzuki Alto biniendo for di Paradera a bay bira na su man robes pero no a duna preferencia na e Ford Fiesta biniendo for di Oranjestad y esaki a dal e Alto mande bay dal e pickup para na e crusada wardando su oportunidad pa sali. Debi na e dobbel impacto e dama chauffeur di e alto a resulta herida. Na yegada di e ambulans nan a atende e victima.