Diamars anochi durante patruya polisnan atento di distrito 2 (Noord) a bin topa cu un mata di kwihi a kentel den banda riba e muraya di Oceania na Eagle Beach, mesora a tuma contacto cu e trahadornan na warda di D.O.W. pa asina remedia e situacion aki no causa daño na nada. E mata ainda por ser rescata y D.O.W. a keda encarga pa esey. Pa esnan cu gusta para nan auto bao di mata nos ta conseha nan pa evita haci esey e dianan aki ya cu e tera ta satura y e matanan por kita cay y causa daño na bo auto of bo mes.