Dialuna madruga a drenta informe di un caso di explosion na un apartamento na Savaneta, mesora a dirigi tanto polis como bombero na e sitio. Na yegada di e patruya bin compronde cu e habitante di e apartamento a bay sende e stoof pero esaki a explota te na kibra e bentana di glas di e cushina pero no a herida e habitante, eynan polis ainda tabata haya holor di gas y a hala tur hende for di eynan. Na yegada di bombero a sera e gas y a habri e apartamento pa saca e holor di gas y tene lugar “safe”. Bombero a sugeri e habitante pa busca un specialista den instalacion di gas pa asina haci un inspeccion y resolve e peliger den e instalacion.