Diahuebs atardi a drenta informe di un accidente cu turistanan herida patras di lighthouse na Tera Cora, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un pareha turista cu lo a bolter cu un UTV y a keda herida. Debi na e boltermento aki e dama turista a ricibi golpi na su cara y e caballero a dal su lomba. Na yegada di e 2 ambulansnan nan a atende ambos turista y a transporta nan pa hospital. Slachtofferhulp tambe a ser avisa pa bay asisti e pareha na hospital.