Desde diabierna 14 di oktober, Oficina Central di Estadistica(CBS) ta ehecutando un encuesta tocante mucha y hoben:Encuesta di Mucha y Hoben 2022. E proposito di e encuesta aki ta pa haya un mihor bista di diferente tema di importancia pa mucha y hoben, por ehempel: actividadnan di mucha y hoben den nan tempo liber (deporte, arte, trabou boluntario), participacion na scol, participacion riba mercado laboral, bistariba nan futuro, relacion cu mayor, uso di celular, medionansocial, gaming y posibel problemanan relata na esakinan, humamento/vaping, uso di alcohol y droga y salud mental. E encuesta lo tin un duracion di 1 luna.

Pa un mucha of hoben cu ta menor di edad por participa, mester di e aprobacion di un mayor of voogd. Un total di 3.500 hogar lo wordo bishita door di encuestadornan di CBS. Encuestadornan por wordo identifica na e badge cu nannomber, potret e logo di e encuesta y e logo di CBS.

Tur informacion colecta durante e encuesta aki ta wordoprocesa anonimamente y lo publica solamente estadisticananden forma agrega. E informacion di tur mucha y hoben tacontribui na mehora e disponibilidad di informacion pa por tinun mihor bista riba e desaroyonan cu ta tuma lugar cerca mucha y hoben na Aruba. Pa e motibo aki e contribucion di cada mucha y hoben ta esencial!

UPDATE

Pa medio di e relato aki CBS kier a informa cu pa e di tressiman di e Encuesta di Mucha y Hoben 2022 ya caba nos encuestadornan a entrevista un total di 1294 hogar y 2201mucha y hoben entre 0 pa 24 aña di edad.

CBS ta gradici tur mucha, hoben y mayor/voogd cu ya caba a participa na e Encuesta di Mucha y Hoben 2022 y ta pidicooperacion di tur esnan cu lo wordo acerca door di nos encuestadornan den e dianan venidero.