Diadomingo madruga e vehiculo di transporte hibando detenido pa warda di polis Sanicolas a nota un auto para banda di caminda pariba di e rotonde Balashi y a solicita pa un otro patruya bay atende cu esey. Na yegada di e otro patruya a nota cu e chauffeur tabata drumi den e Nissan Sentra, polis a papia cu e chauffeur y a bin ripara cu esaki ta burachi. A solicita e vehiculo di transporte pa asina hiba e chauffeur pa su cas mientras a para su auto den cercania. Ademas e chauffeur a ricibi un prohibicion pa stuur auto pa 8 ora y tambe un boet pa recuerdo.