Alrededor di 8’or di mainta a aosode un caso di ladronicia na cas di un polis na Sero Biento, e agente tabata na cas y a purba wanta e ladron pero a core drenta den e Toyota Yaris color oro A68447. Mesora a emiti e informe aki pa e otro patruyanan riba caya. Via e camara di seguridad por a nota cu aki ta trata di e conocido di polis Jean-Pierre Croes pero tabata tin mas hende den e auto.
Banda di 9:30 un patruya a topa cu e auto aki y a inicia cu un persecucion cu a dura alrededor di 20 minuut a logra par’e ora e sospechosonan mes a drenta un “dead-end” na Sero Lopez. Hunto cu e sospechoso Jean-Pierre tabata tin su otro ruman Jean-Marc polis a detene ambos mientras tabata tin 3 menor cu nan tambe den e auto. Polis a confisca e auto tambe. Pa locual ta e muchanan un patruya a hiba tur 3 pa warda di polis unda lo yama un adulto di nan mas responsable pa busca nan na warda. Pa locual ta e 2 sospechosonan nan a ser hiba separa den vehiculonan di transporte. Takelwagen a bin busca e auto pa hiba e auto pa warda di polis pa mas investigacion.