Diabierna anochi un grupo di oficialnan di polis hunto cu departamento di labor a subi caya bishita barnan pa asina controla muhernan sin permiso trahando den barnan. Varios bar a ser bishita entrenan Ban Ban Cafe na Madiki unda a bay cu 2 dama, di cual un ta turista pero a hay’e ta traha tras di bar y e otro ta casa pero sin permiso di trabao y a bay cu nan na warda di polis. Na Bow Bow Bar Restaurant na Ponton unda a bay cu 2 dama, di cual nan no tabatin papelnan di permiso pa traha. Na Tat Fat a bay cu 3 dama di cual un ta casa pero nan niun por a mustra permiso pa traha anto pa colmo nan pago ta bao minimum loon. Por ultimo pa e anochi aki a bay na Zaperoco unda a bay cu 3 dama cual ta registra como cria y tabata traha den bar ademas a haya un homber cu ta traha na cas den siman y den weekend e ta gerente na e bar. Tur e lugarnan bishita a haya nan respectivo boet (basta pica). E controlnan aki lo sigui na otro barnan tambe, pues aki ta bay un alerta pa e otro barnan percura pa nan papelnan ta na ordo y no emplea personan sin permiso pa traha. Despues di cu nan caba di atende cu nan y duna nan respectivo boet lo a laga nan tur bay.