Mas ilegalnan ta purba drenta y e biaha aki cu droga tambe, autoridad ta sigui busca bultonan

Diamas algo prome cu meyanochi radarkamer a detecta un boto cu a crusa den awa territorial di Aruba. E boto ta procedente di Venezuela.

Radarkamer a informa personal di Kustwacht y tambe a mobilisa helikopter di polis. Patruya di San Nocolas como tambe K-9 a mobilisa pa asina controla den e area na tera.

Kustwacht a persigui e boto, unda esnan riba e boto lo mester a tira pakete den lama. E boto a wordo intercepta pa Kustwacht y a detene un total di 7 ilegal.

Helikopter di polis te ainda ta buscando pa bultonan den lama.

Share:

Leave a Reply

Your email address will not be published. Required fields are marked *