Diaranson mainta a drenta informe di un posibel caso di secuestro unda un conosido di polis lo tin un dama teni contra su boluntad na San Fuego, mesora tanto polis como tambe recherche a ser dirigi na e sitio. Na yegada di e patruya aparentemente a bin compronde cu e persona cu lo ta teni contra su boluntad lo ta eynan pasobra e mes lo kier. pero na e adres ey a bin encontra cu 2 auto cu posiblemente lo ta procedente di ladronicia ya cu nan switch lo ta kibra. Ta trata aki di un Mitsubishi Lancer y tambe un Nissan Blue Bird. Polis a confisca ambos auto pa mas investigacion.