NO TIN MAS CONFUSION CAMARANAN A SER KITA NA WARDA DI POLISNAN EN CONEXION CU ENTREGA DI ARMA DI CANDELA.

MACUARIMA, SANTA CRUZ: Cuerpo policial kier a informa pueblo cu en conexion cu e entregamento di arma di candela na e dos warda di polisnan e camaranan a ser kita pa asina no trese confusion.

Cuerpo Policial di Aruba y Ministerio Publico a laga pone dos container pa asina por entrega arma di candela como tambe balanan y pieza di e arma. E containernan color blauw ta poni na warda di Oranjestad y na warda di San Nicolas. Esnan cu bay deposita e arma di candela por ta trankil  cu nan NO lo wordo persigui.

E accion di entrega di arma ta di 21 november 2022 te cu dia 28 december 2022.

Cuerpo Policial di Aruba ta pidi pa entrega e armanan di candela paketa esey ta pa evita malendimentonan y accidentenan.

Un peticion pa nos comunidad! ban yuda haci Aruba un lugar sigur y entrega bo arma di candela!

Share:

Leave a Reply

Your email address will not be published. Required fields are marked *