Dialuna mainta a drenta informe di un accidente cu hende levemente herida riba caminda di Shiribana, mesora a dirigi patruya na e sitio. Na yegada di patruya na e sitio a bin compronde cu aki chauffeur di un S.U.V. no a regula su velocidad ni mantene distancia for di e vehiculo su dilanti y lo a slip bay dal tras di e auto su dilanti. Den e auto tabata tini 3 mucha cu a resulta levemente herida debi na e impacto y pesey a pidi presencia di ambulans tambe na e sitio. Na yegada di ambulans na e sitio e paramediconan a atende cu e 3 muchanan na e sitio mes ya cu nan lo tabata spanta so.