Diamars mainta a drenta informe di un accidente entre un polis motoriza cu un taxi na crusada CMB Noord, mesora a dirigi tanto polis como ambulans na e sitio. Na yegada di patruya na e sitio a bin compronde cu aki un polis motoriza bayendo pabao tabata pasando un auto na e crusada net na momento cu e auto aki a duna un taxi un chance pa subi caminda. E polis motoriza a dal frontal den e taxi cu a bini for di noord bayendo pariba. E impacto tabata fuerte y a laga e agente motoriza herida. Ambulans a presenta na e sitio y a atende cu e victima y a transporte pa hospital pa tratamento medico. Polis di trafico a bini na e sitio y a tuma datos pa nan investigashon di e accidente aki.