Diaranson mainta a drenta informe di un accidente riba caminda di Piedra Plat pa Paradera, mesora a dirigi polis y Ambulans na e sitio. Na yegada di patruya na e sitio a bin compronde cu aki un chauffeur no a regula su velocidad ni a mantene distancia for di e vehiculo su dilanti y a dal tras di esaki. Debi na e impacto un pasahero den e auto dilanti a resulta levemente herida. Na yegada di ambulans na e sitio a atende cu e victima na e sitio mes. Polis di trafico a presenta na e sitio y a tuma datos di e accidente aki.