Diahuebs merdia a drenta informe di un accidente na e crusada di Weststraat cu Koningstraat, mesora a dirigi patruya na e sitio. Na yegada a bin constata cu aki ta trata di un accidente pa falta di preferencia ora un Daihatsu bayendo pabao den Koningstraat no a para y duna preferencia na e Nissan March bayendo nort riba caminda di preferencia. E impacto tabata fuerte cu a bira e Daihatsu 90 grado. Afortunadamente ningun persona a keda heriba den e accidente aki. Datos di e incidente aki a keda tuma pa investigashon.