Diasabra merdia a drenta informe di un bringamento cu hende herida na Sabana Liber, mesora a dirigi patruya na e sitio. Na yegada di patruya na e sitio a bin topa cu un di e personanan envolvi cu tabata herida na su cabes y rudia y tabata sangrando. E patruya a pidi presencia di ambulans na e sitio pa atende cune. Polis a compronde for di e victima cu e conose e persona cu ela bringa cune y a duna tur informashon. Un rato despues e persona a yega na e sitio y polis a detene mesora. Vehiculo di transporte a bini na e sitio y a transporta e detenido pa warda di polis. Na yegada di ambulans na e sitio a atende cu e bringado herida.