Diahuebs atardi a drenta informe di un accidente cu hende herida na Turibana, mesora a dirigi tanto polis y ambulans na e sitio. Na yegada di patruya na e sitio a bin constata cu aki ta trata di un accidentr semi-frontal entre un Suzuki Swift y un Nissan Versa. Aki den e bocht ambos chauffeur a hasi bocht cortico y esaki a pone nan alcansa otro. Un dama den e Suzuki Swift a keda herida debi na e impacto. Esnan den e Nissan Versa a keda spanta pero no herida danki na e airbags. Ambulans a presenta na e sitio y a atende cu e dama herida.