Diabierna mainta a drenta informe di un accidente cu hende herida na e rotonde Sero Blanco, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un chauffeur coriendo auto sin ningun documento na ordo a dal un hobencita peaton, na yegada di e ambulans nan a atende e victima y a transporte pa hospital. Polis a confisca e vehiculo cu no tabata tin su documentonan na ordo y a laga e chauffeur na pia.
