Diabierna merdia a drenta informe di un accidente cu hende herida dilanti Primavera Food Center, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e dama chauffeur di un Hyundai Getz a bay reverse pero a bay dal riba un otro auto y di spanto a shift dibiaha den “drive” bay dal riba e Food Center. Debi na e impactonan tanto e dama chauffeur como e ocupante a resulta herida. Na yegada di e ambulans nan a atende ambos victima levemente herida.