Diabierna atardi laat a drenta informe di cu un mucha homber a yega cas bao influencia y a ataca su ruman cu un sker na Tanki Leendert, mesora a dirigi un patruya na e sitio. Na yegada di e patruya a bin compronde cu aki ta trata di un caso unda un mucha homber a yega cas bao influencia di un of otro substancia y a pleita cu su ruman y a corta esaki na su dede cu un sker y despues di esaki ela bandona e sitio. Polis a buske rond pero no a encontra cun’e. Polis a bay na un adres na Shiribana unda e sa frecuenta pero no a hay’e eynan tampoco.