Diadomingo mainta a drenta informe di un accidente cu hende herida den Jan Steenstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Suzuki APV bayendo pabao a dal riba un stupi na man drechi y e bay bolter den banda. Na e momentonan ey e chauffeur no tabata na e sitio pero despues a regresa na e sitio cu hopi dolor na su man. Na yegada di e ambulans nan a atende y a transporte pa hospital. Como cu e vehiculo no tin su papelnan na ordo polis confisca esaki.