Diasabra mainta a drenta informe di cu e doño di un auto horta siman pasa a topa cu su auto dilanti un cas na Catiri, mesora a dirigi un patruya na e sitio. Na yegada di e patruya a bin compronde cu aki ta trata di e auto di un persona cual vehiculo a ser horta dor di siman pasa na e hotzone banda di e highrise hotelnan. Ta trata aki di un Nissan Sentra B14 color grijs pero a cambia e number cu tabata tin y a usa un sker pa start. E habitante dilanti di e cas a declara cu aki ta trata di algun hoben cu a bisa cu gasolin a caba cu nan y a laga e auto atras y cu den transcurso di fin di siman lo bin bek pa buske. Djey nan a bandona e sitio den otro auto. Como e doño a reconose su auto y a haci denuncia a confisca e vehiculo mesora pa haci investigacionnan forensyco.