Dialuna anochi na Warda di Polis den Wilhelminastraat polis atento a tende un cacho ta yora. Ora nan a bai pafo nan a topa cu un cacho Chihuahua dilanti e warda ta yora. Auto lo a dal e cacho y a core bai. Polis a yama e veterinario na warda pa asistencia ya cu e cacho tabata hala rosea hopi pisa. Pero desafortunadamente e cacho a fayece. Polis lo a check e camara dilanti Warda y a wak cu enberdad un auto lo a pasa riba e cacho y a sigui core bai.
