Diasabra atardi un persona a yama polis informando di un pelea grandi cu hende benta abao memey caminda na Shiribana y djey lo a sigui un secuestro, mesora a dirigi patruyanan mientras e testigo cu a wak a mira con un homber a gara un muher hinke den e van y a bandona e sitio rumbo pabao. E testigo a sigui relata cu e van a yega te banda di e dam di Tanki Flip. Aki polis a logra para e van y a papia cu e supuesto secuestrador y aki a haya sa cu tabata tin un pleito entre adictonan ambulante cu un adicto femenino tambe pero pa cos no a escala e chauffeur a ranca e adicto femenino pone den e van y a ranca bay. Un otro patruya a bay na e sitio unda e cos pasa y ningun hende a sali dilanti bisa kiko a pasa y despues di un control a laga e chauffeur di e van sigui su rumbo.