Dialuna atardi a drenta informe di un accidente cu hende herida na Sero Patrishi, mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur di e Suzuki Swift a bay reverse pa asina saca auto for di garashi pero a reverse bay dal auto di bisiña staciona otro banda di caminda. Debi na e impacto e dama chauffeur a resulta herida. Na yegada di e ambulans nan a atende na e sitio mes y a bis’e si e sinti dolor e bay su dokter di cas of hospital.