Diadomingo anochi a drenta informe di un accidente cu hende herida na Sabana Liber, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un auto a pasa dal un peaton y e vehiculo mes a sigui core bay. Na yegada di e ambulans nan a atende e peaton y a transporte pa hospital. Polis ta bay busca tur e camaranan di segurida cu tin den e area pa asina logra haya e chauffeur irresponsable aki.