Chauffeur burachi a ocasiona un accidente na Moko

Diamars atardi a drenta informe di un accidente cu hende herida na Moko, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un chauffeur bao influencia a causa e accidente cu un Camry. E tabata coriendo y a bay dal duro tras di un SUV. E SUV a dal tras di un van y djey bay dal den e cura di Mi Dudu Restaurant. Ora polis a bay test e chauffeur di e Camry a bise supla pero e tabata chupa. Despues ora a bolbe bise pa e supla, el a haci esaki den cara di Polis sin cu Polis a pone e tuit na su boca. Polis a bise cu ta un falta di respet. Despues di mas cu un intento a bay over na detencion. E chauffeur bebi kiermen e tabata yegando su cas y e hendenan a core bin dal den dje. E kiermen nan a core malo. E berdad ta cu e ta bebi y no sa mes cu e ta culpable di e accidente. E van a para riba e caminda di Moko pa lora y e SUV tambe a brake. E Camry a bin duro dal den e SUV cu na su turno a dal den e Van y djey e SUV a bay pega den e cura di e restaurant na Moko. Polis a atende cu e investigacion. E dama chauffeur di e SUV tabata cu su mama y otro señora grandi. Tambe un menor tabata den e auto y e tabata hopi spanta y tabata yora. A logra calme te ora Paramediconan a yega pa duna e prome auxilio. Cu Takelwagen a bin pa move dos di e autonan envolvi.

Share:

Leave a Reply

Your email address will not be published.