Diasabra anochi a drenta informe di un accidente cu hende herida na Piedra Plat. Mesora a dirigi tanto polis como ambulans na e sitio. Na yegada di e patruya a bin compronde cu chauffeur di un auto preto lo a bai na banda links di caminda y a dal den un Mitsubishi Lancer shinishi. Presencia di Elmar tabata necesario ya cu un di e autonan a dal den e palo di luz. Den ambos auto lo tabata tin un persona unda tur dos di nan a resulta herida. Na yegada di e ambulans nan a atende cu e victimanan y a transportanan pa hospital. E chauffeur di e auto preto lo tabata bao influencia y polis a tuma nota di esaki.