Diabierna anochi a drenta informe di un accidente cu hende herida na e turbo rotonde na L.G. Smith blvd., mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Toyota RAV a bay dal tras di un taxi. E impacto tabata fuerte te cu e taxista a resulta herida. Na yegada di e ambulans nan a atende e taxista.
