Diasabra merdia a drenta informe di un accidente cu hende herida dilanti Acropolis Plaza na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Hyundai Tucson saliendo for di e rotonde Tanki Leendert bayendo zuid a bay dal tras di un Kia Rio para pa bay na man robes. Debi na e impacto un pasahero sinta patras den e Kia Rio a sinti dolor a pidi pa ambulans. Na yegada di e ambulans nan a atende na e sitio mes.