A selecta personal entrena nan a cumpra equipo y hasta vehiculo pero nan NO TA FUNCIONA.

Algun siman pasa despues cu B.C.I. no a move ni un dede, polisnan di bario di Oranjestad a tuma curashi pa accion. Ta pidi ayudo di Philip Animal Garden a bin logra atrapa un cacho brabo cu tabata anda su so y formando un peliger y un mahos bista riba beach dilanti un hotel den Oranjestad. Esaki despues di 3 siman cu a warda pa e instancia cual a ser funda pa atende cu e problematica di cachonan los riba caya pero manera nos a anuncia den un otro informe e instancia ey NO A HACI NADA. Diamars mainta despues di diferente casonan cu nan a ser yama p’e awe atrobe nada. Un cacho grandi y brabo a drenta cas di un persona na Pos Chikito y e doño di cas a yama polis a bay na e cas pero e cacho tabata den un hoki y no kier a sali pa nada. Polis a yama B.C.I. pero manera tabata di spera nan no a ni yega. Den henter e transcurso di dia a busca pa e doño di e cacho pero e tabata na trabao y a laga sa despues di trabao lo pasa buske entretanto e doño su casa a purba wak si e por saca e cacho. Polis a acerca Philip Animal Garden pa pasa buske.
Con por ta posibel cu a core cumpra un vehiculo special y ainda despues di varios luna e vehiculo ta djies staciona dilanti B.C.I. ta pronkia pero sali NIET!