Diamars mainta a presenta na warda di polis na Oranjestad un persona pa entrega denuncia di ladronicia di un scooter Sigma, model bike 150 cc color preto cual lo a ser horta for di e parkeerplaats di un compleho di apartamento na Stadionweg. Via grabacion di e camara di seguridad e por a saca afor con e ladronnan a bay cu esaki den un vehiculo grandi. Diamars anochi un persona a yama reporta cu den media ela mira cu a sali foto di un scooter horta y ela mira e scooter ey den Mandolinstraat. Mesora polis a bay na e adres cual ta un cas conosi den e caya ey y a listra den e cas y eynan a bin encontra yen di partinan di scooter pero no por a distingui si nan ta horta of no. Pero por a mira diferente shield, polis siguiendo cu nan investigacion a bay na Fiyostraat y eynan na un cas bandona bon scondi a logra haya e scooter concerni pero ya a kita e shield. Mesora polis a confisca e scooter.