Diadomingo madruga a drenta informe di un accidente na e splitsing di Citgo riba L.G. Smith blvd. y e chauffeur ta busca manera di bandona e sitio. Na yegada di e patruya a nota algun hende core bay for di e sitio y a haya e chauffeur ta purba saca e auto pega for di e stupi. Polis a atende y a nota cu e chauffeur ta bao influencia y e no por a mustra ningun documento cu e ta legalmente na Aruba. Mesora polis a detene y a pidi e vehiculo di transporte. Na e momentonan ey Guarda Nos Costa a trese un persona deteni cu a core bay for di e sitio ora polis a yega. Aparentemente su documentonan pa ta na Aruba tampoco no ta na ordo y polis a bay warda cun’e tambe. Afortunadamente ningun hende a resulta herida.