![](https://www.awe24.com/wp-content/uploads/2020/01/C1393D92-7AC9-44BB-9F8C-8E3C8C48845F-668x334.jpeg?v=1577965516)
Diaranzon anochi a drenta informe di un caso di kiebro y ladronicia di un tas for di un auto staciona dilanti Volksgezondheidsdienst na Caya Ing Roland H. Lacle, mesora a dirigi un patruya na e sitio. Na yegada di e patruya a bin compronde cu aki ta trata di un caso unda cu desconocidonan a kibra glas Banda di chauffeur di un auto Honda CRV y horta tas bay cune. Den e Honda tabata tin un tas di Calvin Klein den cual tabata tin documentonan personal y di trabao como tambe tabata tin joyas y holoshinan balora na algun mil dollar. Polis a tuma e denuncia for di e señora. Polisnan a ricibi un tip di cu un auto blanco cual number ta conoci pa Polis. E auto aki tabata move den forma sospechoso.