Diaranson despues di mey anochi a drenta informe di un accidente na Sabana Berde dilanti airport, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di un Chevrolet Trax a baha caminda na man drechi dal riba un baranca desvia bay dal borchi enseñalacion. E auto a keda parcialmente riba caminda. Afortunadamente ningun hende a resulta herida. Polis a nota cube chauffeur ta bebi y a pone supla na e alco-sensor. E resultado a indica cu ela surpasa e limite permiti. Esey a haci cu polis a detene e chauffeur pa a core bao influencia di alcohol y causa un accidente.