Diahuebs atardi a drenta informe di un accidente cu hende herida na e crusada Socotorolaan y Emmastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e dama chauffeur di un Ford Explorer bayendo pabao den Socotorolaan no a para pa duna preferencia na e Nissan Versa bayendo zuid den Emmastraat. E impacto tabata basta fuerte y net na e banda di e dama chauffeur di e Versa y esaki tabata keha di dolor. Na yegada di e ambulans nan a atende e victima na e sitio mes.