Diasabra anochi a drenta informe di un accidente hit & run dilanti oficina di turismo na L.G. Smith blvd., mesora a dirigi un patruya na e sitio. Na yegada di e patruya a bin compronde cu aki ta trata di un accidente unda e pick up blanco lo a dal 3 biaha tras di e s.u.v. Hyundai Tucson maneha pa un dama cu a declara cu e cabayero chauffeur di e pick-up lo tabata pata pata burachi y a bai for sitio. Polis a tuma e declaracion y a pasa esaki pa departamento di trafico cu lo sigui cu e investigacion.