Diadomingo anochi a drenta informe di un accidente basta serio cu hende herida y pega banda di e ex-veld di Nacional pazuid di Monserat, mesora a dirigi tanto polis, ambulans como tambe bombero na e sitio. Na yegada di e patruya a bin compronde cu e chauffeur di un Nissan Cube lo no a pone atencion y a bay drenta den mondi cu e auto y a keda pega den e auto. Na yegada di e bomberonan nan a logra habri e auto pa asina saca e victima mientras personal di ambulans a atende y transporte pa hospital.